მამუკა მდინარაძე – ხელისუფლება ჩვენს მოქალაქეებს არასოდეს არსად მიატოვებს

ვიცე-პოლკოვნიკ გიორგი ცერცვაძესთან დაკავშირებით, ოპოზიციამ სპექტაკლი დადგა, – ამის შესახებ ფრაქცია „ქართული ოცნების“ თავმჯდომარემ მამუკა მდინარაძემ განაცხადა.
როგორც მდინარაძემ აღნიშნა, საქართველოს ხელისუფლება ყველაფერს აკეთებს, რომ საკუთარი მოქალაქე არსად იყოს მიტოვებული.
„ორი დღეა, “ნაციონალური მოძრაობის” მხრიდან სპექტაკლს ვხედავთ, რომ საქართველოს მოქალაქეზე მხოლოდ ისინი დარდობენ. საქართველოს ხელისუფლება ყველაფერს აკეთებს, რომ საკუთარი მოქალაქე არსად იყოს მიტოვებული. ეს მხოლოდ პიარკამპიაზეა გათვლილი. ხელისუფლება ჩვენს მოქალაქეებს არასოდეს არსად მიატოვებს”, – განაცხადა მდინარაძემ.
აფხაზეთისა და 2008 წლის აგვისტოს ომის მონაწილე გია ცერცვაძე რუსეთის მოთხოვნით, ერთი კვირის წინ დააკავეს. მას რუსეთი 2003 წელს დანაშაულის ჩადენაში ადანაშაულებს, თუმცა ცერცვაძეზე საერთაშორისო ძებნა 13 წლის შემდეგ, 2016 წლის 23 დეკემბერს გამოცხადდა.