მამუკა მდინარაძე – 2 დღეა ვუყურებთ სპექტაკლს “ნაციონალური მოძრაობის“ სხვადასხვა ჯგუფების შესრულებით

„2 დღეა ჩვენ ვუსმენთ და ვუყურებთ სპექტაკლს „ნაციონალური მოძრაობის“ სხვადასხვა ჯგუფების შესრულებით, რომ თითქოს მხოლოდ ისინი წუხან საქართველოს მოქალაქეზე“ – ამის შესახებ ფრაქცია ”ქართული ოცნების” თავმჯდომარე მამუკა მდინარაძემ ჟურნალისტებს ვიცე-პოლკოვნიკ გიორგი ცერცვაძის უკრაინაში დაკავების საკითხზე კომენტირებისას განუცხადა. მისივე თქმით, საქართველოს ხელისუფლება როგორც არაფორმალურ, ასევე ფორმალურ კონტაქტებს იყენებს იმისთვის, რომ უკრაინულ მხარესთან შესაბამისი მოლაპარაკებები აწარმოოს.
„2 დღეა ჩვენ ვუსმენთ და ვუყურებთ სპექტაკლს „ნაციონალური მოძრაობის“ სხვადასხვა ჯგუფების შესრულებით, რომ თითქოს მხოლოდ ისინი წუხან საქართველოს მოქალაქეზე და ა.შ. პირველივე წუთებიდან, რაც ცნობილი გახდა ცერცვაძის დაკავების შესახებ, საქართველოს ხელისუფლება აქტიურად არის ჩართული მოლაპარაკებებში. საუბარია არაფორმალურ და ფორმალურ კონტაქტებზე. ხელისუფლება ყველაფერს აკეთებს და ყოველთვის ყველაფერს გააკეთებს, რომ საქართველოს მოქალაქე არსად არ იყოს მიტოვებული. შესაბამისად, პოლიტიკური სპეკულაციების ნაწილია ის, რასაც „ნაციონალური მოძრაობის“ წარმომადგენლები აკეთებენ სხვადასხვა დანაყოფების თუ დაჯგუფების სახით. ეს მხოლოდ პიარკამპანიაზეა გათვლილი. რეალურად, საგნობრივი მუშაობა მიდის საქართველოს ხელისუფლების მხრიდან”, – განაცხადა მამუკა მდინარაძემ.