რაც ახლა ხდება ნიშნავს იმას, რომ ყველა, ვინც უკრაინის დაცვისთვის იბრძვის, საფრთხის ქვეშაა და არა მხოლოდ რუსეთის, არამედ უკრაინის კორუმპირებული უწყებების მხრიდან,- ასე შეაფასა საქართველოს ყოფილმა პრეზიდენტმა მიხეილ სააკაშვილმა გია ცერცვაძის პროცესის 3 თებერვლამდე გადადება.
როგორც სააკაშვილმა აღნიშნა, გუშინ, უკრაინის გენერალურმა პროკურორმა ”ფეისბუქით” გასცა გია ცერცვაძის გათავისუფების დაპირება, ”მაგრამ დღეს სხვა სურათი მივიღეთ”.
”ეს ერთგვარი საგანგაშო გზავნილია სხვადასხვა ეროვნების ჯარისკაცებისთვის, ვინც იცავს უკრაინას. არსებობს დოკუმენტები, რომლის მიხედვითაც, გია ცერცვაძე რუსეთის წინააღმდეგ იბრძოდა და მისი ექსტრადირება დაუშვებელია. რაც ახლა ხდება იმას ნიშნავს, რომ ყველა, ვინც უკრაინის დაცვისთვის იბრძვის, საფრთხის ქვეშაა და არა მხოლოდ რუსეთის, არამედ უკრაინის კორუმპირებული უწყებების მხრიდან. მოვუწოდებ პროკურატურას და სასამართლოს, უარი თქვან ბიუროკრატიაზე და დროულად მიიღონ ერთადერთი სწორი გადაწყვეტილება”, -განაცხადა სააკაშვილმა, რომლის კომენტარის თარგმანს ”საზოგადოებრივი მაუწყებელი” ავრცელებს.