„პატრიოტთა ალიანსი“ მომხრეა, რომ პრეზიდენტს ირჩევდეს ხალხი და არა პარლამენტი, – ამის შესახებ „პატრიოტთა ალიანსის“ ერთ-ერთმა ლიდერმა, ვიცე-სპიკერმა ირმა ინაშვილმა საკონსტიტუციო კომისიის ერთ-ერთი სამუშაო ჯგუფის შეხვედრის დაწყებამდე განაცხადა.
მისივე თქმით, დღეს არის პირველი სამუშაო შეხვედრა აღნიშნული ჯგუფის და აინტერესებს, მოისმინოს არგუმენტები „ქართული ოცნების“ და ხელისუფლების, პრეზიდენტის უფლებების შეკვეცასთან დაკავშირებით.
„ჩვენ ვართ მომხრე, რომ პრეზიდენტს ირჩევდეს ხალხი და არა პარლამენტი. ვიდრე ქვეყანაში არ ჩატარდება მართლაც დემოკრატიული, თავისუფალი და სამართლიანი არჩევნები. ძალიან ბევრი კითხვის ნიშანი დგას ხოლმე პარლამენტის ლეგიტიმაციასთან დაკავშირებით, ამიტომ ის, რომ პარლამენტმა აირჩიოს პრეზიდენტი, მიმაჩნია დემოკრატიის კუთხით უკან გადადგმულ ნაბიჯად“, – განაცხადა ირმა ინაშვილმა.