“ადგილი ჰქონდა უპრეცედენტო რეფორმისთვის ჩრდილის მიყენების მცდელობას”

პრეზიდენტის მიერ ვეტოს დადებას უარყოფითად შევაფასებდი, – ასე უხმაურება პარლამენტის თავმჯდომარე ირაკლი კობახიძე გიორგი მარგველაშვილის გადაწყვეტილებას, რომელმაც “საერთო სასამართლოების შესახებ“ კანონში განხორციელებულ ცვლილებებს და მასთან დაკავშირებულ სხვა პროექტებს ხელი არ მოაწერა და მოტივირებული შენიშვნებით პარლამენტს უკან დაუბრუნა.

“ვეტოს დადებას უარყოფითად შევაფასებდი – ეს შემიძლია ახლავე ვთქვა. რეალურად, ეს უპრეცედენტო რეფორმა იყო, რომელიც საქართველოს პარლამენტის მიერ გატარდა და ადგილი ჰქონდა გარკვეულ მცდელობას ამ უპრეცედენტო რეფორმისთვის ჩრდილის მიყენების, რაც ნამდვილად დასანანია. დანარჩენი დეტალებია. ჩვენ მსჯელობა გვექნება და ამ კანონპროექტს მომდევნო სესიაზე მივუბრუნდებით“, – განაცხადა ირაკლი კობახიძემ.