„ევროპული საქართველოს“ ყრილობა აპრილში ან მაისის დასაწყისში გაიმართება – შესაბამისი განცხადება პარტიის წარმომადგენელმა გიგი უგულავამ გააკეთა. მისი თქმით, დღეს პარტიის პრეზენტაცია გაიმართება, სადაც საუბარი იქნება პარტიის სამომავლო გეგმებზე.
”სახელწოდებაში „ევროპული საქართველო“ დარჩება, თუმცა ვრცელი სახელწოდება დღეს, 15.00 საათზე, პარტიის პრეზენტაციაზე გახდება ცნობილი. „ევროპული საქართველო“ გეგმავს, რომ ადგილობრივი თვითმმართველობის არჩევნებში მაქსიმალურად ფართოდ იყოს წარმოდგენილი. კანდიდატი პარტიას ეყოლება ყველა ძირითად ქალაქში, ასევე კანდიდატები ეყოლება რაიონებშიც. პარტია იბრძოლებს თვითმმართველობის არჩევნებში, რადგან ხელისუფლების რეალური ალტერნატივა, სწორედ „ევროპული საქართველოა”, – განაცხადა უგულავამ ჟურნალისტებთან.
კომენტარები