რამაზ საყვარელიძე პრეზიდენტის არჩევის წესზე „კვირის პალიტრასთან“ ინტერვიუში საუბრობს:
„იქ, სადაც პრეზიდენტი ასეთი ფიგურაა, ასეთი შეკვეცილი უფლებებით, მას პარლამენტი ირჩევს, რადგან ამ არჩევანს არსებითი ცვლილება არ შეაქვს ქვეყნის პოლიტიკურ ცხოვრებაში. პრობლემები შექმნა გიორგი მარგველაშვილის სურვილმა, მისმა ხასიათმა, მისმა ენერგიამ, რომ გაეძლიერებინა საპრეზიდენტო ინსტიტუტი. ახალი პრეზიდენტი, შესაძლოა, სულაც არ იყოს ამ მიდრეკილებისა და მმართველი გუნდისთვის ეს არ იქნება არანაირი პრობლემა, ხოლო არჩევნები და უფლებამოსილება ნამდვილად არ შეესაბამება ერთმანეთს!
რა გამოდის, მთელი ქვეყნის მასშტაბით ირჩევ ადამიანს, რომელსაც მარტო ვეტოს დადების უფლება აქვს! ჩვენ პრეზიდენტის საყოველთაო არჩევა გვერგო იმ სისტემიდან. ეს გარკვეული მემკვიდრეობაა წინა კონსტიტუციებისა და ეს გვერგო იმ სისტემიდან, სადაც პრეზიდენტი იყო აღმასრულებელი ხელისუფლების ხელმძღვანელი”, – განაცხადა საყვარელიძემ.