ფრაქცია “ევროპული საქართველო” „რუსთავი 2“-ის საქმეს უკავშირებს პარლამენტში იმ კანოპროექტის ინიცირებას, რომლითაც სამწლიანი გამოსაცდელი ვადა უქმდება უზენაესი სამართლოს მოსამართლისთვის, რომელსაც სააპელაციო სასამართლოს მოსამართლეობა სურს. გიორგი კანდელაკმა ჟურნალისტებს განუცხადა, რომ ამ კანონპროექტის ინიცირების მიზეზი სწორედ „რუსთავი 2“-ის საქმის მოსამართლე მიხეილ ჩინჩალაძესა და მთავრობას შორის დაწყებული მოლაპარაკებაა.
უმრავლსობის წევრის ვანო ზარდიაშვილის განცხადებით, დეპუტატი გიორგი კანდელაკი ცდილობს შოუ დადგას:
„გიორგი კანდელაკმა რა თქვა არ მომისმენია, შესაბამისად, დარწმუნებული ვარ, რომ ეს შოუს ნაწილი იქნება. უზენაესი და საკონსტიტუციო სასამართლოს მოსამართლეებზე ვადის გაუქმებას ეთანხმება ყველა, პოზიციაც, ოპოზიციაც, ვენეციის კომისიაც, პრეზიდენტიც, შესაბამისად, ახლა რაღაც შოუ დადგა კანდელაკმა, რომ ეს ცვლილებები ხდება ვიღაც პიროვნებისთვის, ეს მოიკითხონ თავის გუნდში. ისინი ის ადამიანები არიან, რომლებიც ერთი ადამიანის ხუშტურის გამო, ვიღაცა დეპუტატი რომ გაეხადათ, საპარლამენტო ასაკი გახადეს 21 წელი. ამ ცვლილებებს ეთანხმება და აღიარებს აბსოლუტურად ყველა ამ ქვეყანაში, შესაბამისად, ეს ცვლილებები ეტაპობრივად გავრცელდება აბსოლუტურად ყველა ინსტანციის ყველა მოსამართლეზე“, – განაცხადა ზარდიაშვილმა.