“სტრატეგია აღმაშენებლის” წევრი პაატა მანჯგალაძე ოპოზიციონერი პოლიტიკოსების, ხათუნა სამნიძისა და ხატია დეკანოიძის განცხადებებს გამოეხმაურა.
“ოპოზიციაში ასეთი სურვილიც რომ არსებობდეს, ევროპის გაფართოებას ვერავინ ხელს ვერ შეუშლის. სამნიძემ და დეკანოიძემ ეს რატომ თქვეს ნამდვილად არ ვიცი, უბრალოდ მე მგონი მიამიტობაა. ჩემს გამო, ხატიას და ხათუნას გამო ევროპის გაფართოებას არავინ არ გადადებს არჩევნებამდე. ევროპას აქვს თავისი გაწერილი დღის წესრიგი და მოქმედებს იმ დღის წესრიგით”, – აცხადებს პაატა მანჯგალაძე.
ცნობისთვის, ოპოზიციონერმა პოლიტიკოსმა, ხათუნა სამნიძემ განაცხადა, რომ ოპოზიციაში არიან პოლიტიკოსები, რომლებიც შესაბამისი გზავნილებით მიდიან პარტნიორებთან და ეუბნებიან, რომ კანდიდატის სტატუსზე გადაწყვეტილების მიღება საქართველოსთვის უნდა გადავადდეს. ასევე, ოპოზიციონერი პოლიტიკოსის, ხატია დეკანოიძის განცხადებით, პარტნიორებში გარკვეულ შეშფოთებას იწვევს, რომ კანდიდატის სტატუსის საკითხზე ოპოზიცია არაერთგვაროვან გზავნილებს აჟღერებს.