რუსეთის პრეზიდენტის პრესმდივანი დიმიტრი პესკოვი აცხადებს, რომ რუსეთის ხელისუფლებას აქვს დასავლური აქტივების ნუსხა, რომელთა კონფისკაციასაც მოსკოვი დასავლეთის ანალოგიური ქმედების შემთხვევაში მოახდენს.
დიმიტრი პესკოვი გამოეხმაურა გავრცელებულ ინფორმაციას იმის შესახებ, რომ აშშ-მა მიმართა დიდი შვიდეულის წევრ ქვეყნებს, რათა 300 მილიარდი დოლარის ღირებულების რუსული აქტივების კონფისკაცია მოხდეს.
„ჩვენ წინასწარ ვაანალიზებთ საპასუხო ზომებს. ყველაფერს გავაკეთებთ ისე, რომ ყველაფერი საუკეთესოდ შეესაბამებოდეს ჩვენს ინტერესებს“, – განაცხადა პესკოვმა.
მისივე თქმით, აშშ-ის ინიციატივა უკანონოა და ის მსოფლიო ეკონომიკას გამოუთხრის ძირს.
კომენტარები