“დავით გარეჯის საკითხზე გვაქვს პროგრესი და ნელ-ნელა წინ მივდივართ”

დავით გარეჯის საკითხზე გვაქვს პროგრესი და ნელ-ნელა წინ მივდივართ, – ამის შესახებ საპარლამენტო უმრავლესობის წევრმა, ნიკოლოზ სამხარაძემ განაცხადა.

როგორც ნიკოლოზ სამხარაძემ აღნიშნა, „ვერ ვიტყვი, როდის შეიძლება, დასრულდეს ეს პროცესი, თუმცა გვაქვს პოზიტიური მოლოდინი“.

„რაც შეეხება საქართველო-აზერბაიჯანის საზღვრის დელიმიტაციის საკითხს, საზღვრის დაახლოებით 70% არის შეთანხმებული. მიმდინარეობს მუშაობა დანარჩენი 30%-ის შეთანხმებაზე. თუმცა დელიმიტაციის პროცესი ასეთია, ვიდრე 100% არ შეთანხმდება, მანამდე დელიმიტაციის ხელშეკრულებას ხელი არ ეწერება. შესაბამისად, ჩვენ გვაქვს პროგრესი და ნელ-ნელა წინ მივდივართ. ვერ ვიტყვი, როდის შეიძლება, დასრულდეს ეს პროცესი, თუმცა გვაქვს პოზიტიური მოლოდინი იმ ურთიერთობებიდან გამომდინარე, რა ურთიერთობებიც დღეს გვაქვს ჩვენს მეგობარ და სტრატეგიულ პარტნიორ აზერბაიჯანთან დამყარებული. უნდა მოვიცადოთ, დაველოდოთ და ამ პროცესს გავყვეთ“, – განაცხადა ნიკოლოზ სამხარაძემ.