უკრაინის პრეზიდენტმა, ვოლოდიმირ ზელენსკიმ საერთაშორისო საზოგადოებას მოუწოდა, პასუხი გასცეს უკრაინაზე რუსეთის სარაკეტო თავდასხმას. ინფორმაციას ამის შესახებ ტელეკომპანია CNN-ი ავრცელებს.
“მნიშვნელოვანია, რომ მსოფლიომ რეაგირება მოახდინოს ამ ტერორისტულ აქტზე. უკრაინასა და უკრაინელებს დღეს უკვე ბევრმა ლიდერმა გამოუცხადა მხარდაჭერა და ყველას მადლობელი ვარ”, – აღნიშნა უკრაინის ლიდერმა.
ზელენსკიმ ასევე განაცხადა, რომ ის გააგრძელებს უკრაინის საჰაერო თავდაცვის გაძლიერებას.
უკრაინაზე რუსეთის სარაკეტო თავდასხმის შედეგად დაღუპულთა რიცხვი 30-მდე გაიზარდა. ბოლო მონაცემებით, რუსეთის მასშტაბური სარაკეტო თავდასხმის შედეგად, სულ მცირე, 160 ადამიანი დაშავდა.
კომენტარები