თურქეთში ისრაელის სასარგებლოდ ჯაშუშობის ბრალდებით 33 ადამიანი დააკავეს. ამის შესახებ თურქეთის შინაგან საქმეთა მინისტრმა, ალი იერლიქაიამ განაცხადა.
მისი ინფორმაციით, სპეცოპერაცია ერთდროულად ქვეყნის 8 პროვინციაში ჩატარდა.
„ჩვენ არასოდეს დავუშვებთ ჯაშუშურ საქმიანობას, რომელიც მიმართულია ჩვენი ეროვნული ერთიანობისა და სოლიდარობის წინააღმდეგ“, – აღნიშნა ალი იერლიქაიამ.
მისივე თქმით, დაკავებულები „მოსადის“ დავალებით თურქეთში მცხოვრებ უცხოელებს უთვალთვალებდნენ, გეგმავდნენ მათზე თავდასხმებს და გატაცებებს.
„8 პროვინციაში, 57 სხვადასხვა მისამართზე დაკავებულია 33 ადამიანი. სპეცოპერაციის შედეგად ამოღებულია 143 830 ევრო, 23 680 დოლარი, სხვა ქვეყნების ვალუტა და უნებართვო ცეცხლსასროლი იარაღი“, – აღნიშნა თურქეთის შინაგან საქმეთა მინისტრმა.
კომენტარები