სირცხვილია, რომ ბაიდენის ადმინისტრაცია აფინანსებს და უფლებამოსილებას ანიჭებს ტერორის მხარდამჭერ პალესტინის ადმინისტრაციას, – განაცხადა აშშ-ის პრეზიდენტობის კანდიდატობის პრეტენდენტმა „რესპუბლიკური პარტიიდან“, ფლორიდის შტატის გუბერნატორმა, რონ დესანტისმა.
რონ დესანტისმა ხაზგასმით აღნიშნა, რომ პალესტინის ადმინისტრაცია და “ჰამასი” იზიარებენ ისრაელის განადგურების ერთსა და იმავე მიზანს.
“როგორც პრეზიდენტი, მე შევწყვეტ აშშ-ის დაფინანსებას პალესტინელებისთვის, დავაწესებ სანქციებს პალესტინის ადმინისტრაციის წინააღმდეგ იმ პროგრამისთვის, რომელიც ახალისებს და აჯილდოვებს ტერორიზმს ისრაელელებისა და ამერიკელების წინააღმდეგ. მე უარს ვიტყვი ე.წ. ორი სახელმწიფოს პრინციპზე, რომელიც ისრაელის განადგურების საფეხურს წარმოადგენს”, – დასძინა ფლორიდის შტატის გუბერნატორმა.