თვითგამოცხადებული ლუგანსკის სახალხო რესპუბლიკის ე.წ. ხელმძღვანელმა განაცხადა, რომ ქალაქ რუბეჟნოეს რუსული თვითმფრინავიდან ავიაბომბი დაეცა.
ლეონიდ პასეჩნიკის თქმით, FAB-250 ტიპის ავიაბომბი რუბეჟნოეს მაშინ დაეცა, როდესაც რუსეთის სამხედრო-კოსმოსური ძალების თვითმფრინავი საბრძოლო ამოცანებს ასრულებად. მისივე განცხადებით, შემთხვევის შედეგად არავინ დაშავებულა, ახლომდებარე სახლების მოსახლეობა ევაკუირებულია.
ავიაბომბის ჩამოვარდნის ადგილზე შსს-ს, საგანგებო სიტუაციების სამინისტროსა და სამხედრო კომენდატურის წარმომადგენლები მუშაობენ. რუსეთის თავდაცვის სამინისტროში მომხდართან დაკავშირებით კომენტარს არ აკეთებენ.
კომენტარები