ჩრდილოეთ კორეის შემდეგ, რუსეთს ბალისტიკური რაკეტები შესაძლოა ირანმაც გადასცეს, რომლებსაც 700 კილომეტრში სამიზნის განადგურება შეუძლიათ. ამის შესახებ აშშ-ის უსაფრთხოების სამსახურებში საკუთარ წყაროებზე დაყრდნობით Sky News-ი იტყობინება.
„ცნობილია, რომ ირანმა და რუსეთმა გაახანგრძლივეს შეთანხმება შეიარაღების შესახებ, და რუსეთი მალე მიიღებს სარაკეტო სისტემებს“, – აცხადებს Sky News-ის წყარო.
კერძოდ, საუბარია Ababil-ისა და Fateh-ის ტიპის რაკეტებზე, რის სანაცვლოდაც ირანი რუსეთისგან ფულს და სამხედრო ტექნოლოგიებს მიიღებს.
გარდა ამისა, უახლოეს მომავალში ირანმა შესაძლოა მიაწოდოს რუსეთს Shahed-107-ის ახალი დრონები, რომლის გაშვებაც ავტომობილიდან იქნება შესაძლებელი, დრონის მოქმედების რადიული კი 1500 კილომეტრი იქნება.
კომენტარები