„გირჩის“ ლიდერი იაგო ხვიჩია მმართველი გუნდის მიერ დაანონსებულ საკანონმდებლო ცვლილებებს გამოეხმაურა, რომელიც რელიგიური ნაგებობებისა და ნივთების შეურაცხყოფისთვის სისხლის სამართლებრივი პასუხისმგებლობის გამკაცრებას ითვალისწინებს.
„ეს ინიციატივა არის კლასიკური პოლიტიკური ფარისევლობის ნიმუში. გეგონება, ძალიან მორწმუნეები არიან, ძალიან ღელავენ ხატი არ წაიბილწოს და ვინმეს შემთხვევით, ჯოჯოხეთში არ წაუცდეს ფეხი“, – განაცხადა ხვიჩიამ.
სასულიერო პირების ინფორმაციით, აქტივისტმა ნატა ფერაძემ სამების საკათედრო ტაძარში წმინდა მატრონას ხატს საღებავი შეასხა. გამოძიება წვრილმანი ხულიგნობის ბრალდებით ფაქტზე არის დაწყებული. შემდგომი რეაგირებისთვის საქმის მასალები სასამართლოში გადაიგზავნება.
კომენტარები