საქართველოს მოქალაქე, რომელიც ხარკოვზე რუსეთის სარაკეტო იერიშის შედეგად დაშავდა, თურქული საინფორმაციო სააგენტო „ანადოლუს“ ჟურნალისტი დავით კაჭკაჭიშვილია.
როგორც კაჭკაჭიშვილმა საქართველოს პირველ არხს განუცხადა, სასტუმროს ნომერში იმყოფებოდა, როდესაც შენობაზე ორი სარაკეტო დარტყმა განხორციელდა. მისივე თქმით, მომხდარის შედეგად პირადად მან მცირე დაზიანება მიიღო.
იერიშის შედეგად ასევე დაშავდა „ანადოლუს“ ფოტორეპორტიორი ოზგე ელიფ კიზილი.
დავით კაჭკაჭიშვილის ინფორმაციით, ისინი ამ ეტაპზე უსაფრთხო ადგილას არიან გადაყვანილი.
ხარკოვში, სასტუმრო კომპლექსზე სარაკეტო დარტყმა რუსულმა ძალებმა გვიან ღამით განახორციელეს. ბოლო მონაცემებით, დაშავებულია 13 ადამიანი.
კომენტარები