ღაზის სექტორის ქალაქ ხან იუნისში, საჰაერო იერიშების შედეგად დაზიანებულ ერთ-ერთ შენობაში მიმდინარე სამაშველო ოპერაციის დროს აფეთქება მოხდა.
ინციდენტის ამსახველი ვიდეო პალესტინურმა სამოქალაქო თავდაცვამ გაავრცელა. აფეთქება მაშინ მოხდა, როდესაც მაშველები მედიკოსებთან ერთად, ნანგრევებში მოყოლილების დასახმარებლად მუშაობდნენ.
ინციდენტს მსხვერპლი არ მოჰყოლია. ღაზის სექტორში ისრალის არმია საჰაერო იერიშებსა და სამხედრო ოპერაციას განაგრძობს. მიზანი – დაჯგუფება ჰამასის სრული განადგურებაა.
ღაზის ჯანდაცვის უწყების მონაცემებით, 7 ოქტომბრიდან დღემდე, საომარი მოქმედებების შედეგად დაღუპულ პალესტინელთა რაოდენობა 23 000-ს აღემატება.
კომენტარები