კოლუმბიაში მეწყერი ჩამოწვა, რის შედეგადაც, სულ მცირე, 18 ადამიანი დაიღუპა და 30-მდე დაშავდა. ინფორმაციას „დოიჩეველე“ ავრცელებს.
მედიის ცნობით, მეწყერმა დაფარა გზატკეცილი, რომელიც აკავშირებს ქალაქებს – მედელინსა და კუბდოს.
კოლუმბიის პრეზიდენტმა, გუსტავო პეტრიმ შემთხვევას ტრაგიკული უწოდა და თქვა, რომ მთავრობა მოსახლეობას ყველა საჭირო დახმარებას გაუწევს.
როგორც მედია წერს, რამდენიმე ადამიანი, სავარაუდოდ, მეწყრის ქვეშ რჩება.
სამძებრო-სამაშველო სამუშაოები ამ დრომდე მიმდინარეობს, თუმცა, თავდაცვის დეპარტამენტის ცნობით, ძლიერი წვიმა ხელს უშლის სამაშველო სამუშაოებს.
კომენტარები