გაზრდილი მიმართვიანობა სამედიცინო დაწესებულებებში და ვირუსების მომატებული შემთხვევები საქართველოში – ქვეყანაში ამ ეტაპზე, ძირითადად, “ა” ტიპის ვირუსი ცირკულირებს, თუმცა პაციენტები სამედიცინო დაწესებულებებს სხვა ვირუსული ინფექციებითაც აკითხავენ.
სპეციალისტები ვარაუდობენ, რომ სასწავლო პროცესის განახლების შემდეგ, შემთხვევები კიდევ უფრო გაიზრდება, ამიტომ მოსახლეობას რეკომენდაციების შესრულებას ურჩევენ.
“გრიპს ახასიათებს მწვავე მიმდინარეობა, ეს არის ძირითადად ცხელებით დასაწყისი, მშრალი ხველა, ყელის ტკივილი, შესაძლოა იყოს სახსრების, კუნთების ტკივილი. სიმპტომები 5-დან 7 დღემდე ხანგრძლივდება. რთულ შემთხვევებში შესაძლოა გაგრძელდეს 2 კვირამდე. რისკ-ჯგუფში არიან ასაკოვანი, ქრონიკული დაავადების მქონე ადამიანები და მცირეწლოვანი ბავშვები. ამიტომ, ასეთ კატეგორიაში თუ გრიპი დადასტურდება, მნიშვნელოვანია დროულად მიმართონ ექიმს,“- აცხადებს ექიმი-ინფექციონისტი ალექსანდრე გოგინავა.