რა ცვლილებებიც არ უნდა მოხდეს მსოფლიოში, ჩინეთი დარჩება ერთგული ღიაობის ფუნდამენტური პოლიტიკის მიმართ და კიდევ უფრო ფართოდ გაუღებს კარს მსოფლიოს, – ამის შესახებ ჩინეთის პრემიერ-მინისტრმა ლი ციანიმ დავოსის მსოფლიო ეკონომიკურ ფორუმზე სიტყვით გამოსვლისას განაცხადა, რომელსაც საქართველოს პრემიერ-მინისტრი ირაკლი ღარიბაშვილი ესწრება.
„ჩინეთი ღიაობისადმი მტკიცე და ერთგული რჩება. ჩვენ გავაგრძელებთ მსოფლიოში ხელსაყრელი პირობების შექმნას ჩინეთის შესაძლებლობების გასაზიარებლად. ახლა ჩინეთი არის მსხვილი სავაჭრო პარტნიორი 140-ზე მეტი ქვეყნისა და რეგიონისთვის. უფრო მეტი ღიაობით ჩვენ ვაპირებთ გავუზიაროთ ჩინეთის შესაძლებლობები მსოფლიოში ყველას, ერთობლივი განვითარებისთვის. წლების განმავლობაში მრავალეროვნულმა პარტნიორობამ განავითარა ჩინეთის ბაზარი და ჩინეთის სამრეწველო პროგრესის საფუძველზე გააფართოვა გლობალური წარმოების ზრდა. ჩინეთის ბაზრის გაზრდა არ არის რისკი, ის არის შესაძლებლობა. ჩვენ გაშლილი ხელებით მივესალმებით ბიზნესს ყველა ქვეყნიდან და გავაგრძელებთ მუშაობას ბაზარზე ორიენტირებული, კანონზე დაფუძნებული ბიზნეს გარემოს ხელშესაწყობად. რა ცვლილებებიც არ უნდა მოხდეს მსოფლიოში, ჩინეთი დარჩება ერთგული ღიაობის ფუნდამენტური პოლიტიკის მიმართ და კიდევ უფრო ფართოდ გაუღებს კარს მსოფლიოს“ , – აღნიშნა ჩინეთის პრემიერ-მინისტრმა.