კომპანიები „ენკო“, პარმა“, „ჯეო გრუპი“ და „ბლექსი გრუპი“ წერეთლის გამზირის რეაბილიტაციას დაასრულებენ. ამის შესახებ თბილისის მერის მოადგილემ ირაკლი ბენდელიანმა ჟურნალისტებს განუცხადა.
მისი თქმით, იანვრის ბოლოს წერეთლის გამზირზე სრულად აღდგება საავტომობილო მოძრაობა და დარჩება მხოლოდ გარკვეული სამუშაოები ტროტუარებზე.
„მიმდინარეობდა ბაზრის კვლევის ეტაპი. ეს დოკუმენტაცია დაეგზავნა რამდენიმე კომპანიას. აქედან ოთხმა კომპანიამ გამოთქვა მზაობა წერეთლის სარეაბილიტაციო სამუშაოებში მონაწილეობაზე. გავიარეთ ამ ოთხი კომპანიის დოკუმენტაცია და ამ წუთის მდგომარეობით, ამ ოთხ კომპანიასთან გაფორმებულია ხელშეკრულება. ეს კომპანიებია „ენკო“, პარმა“, „ჯეო გრუპი“ და „ბლექსი გრუპი“, რომლებიც უკვე ჩაერთნენ სარეაბილიტაციო სამუშაოებში. იანვრის ბოლოს საგზაო სამუშაოები დასრულებული იქნება და მოძრაობა ორმხრივად გაიხსნება. ამის შემდგომ, დარჩენილი იქნება ტროტუარის გარკვეულ მონაკვეთებში სამუშაოები“, – აღნიშნა ბენდელიანმა.