“ერთი სული ჰქონდათ, კახი კალაძეს დღეს ეთქვა, რომ გადაიწია ერთი თვით ან ორი თვით წერეთლის რეაბილიტაციის დასრულებამო. ეს რომ ვერ გაიგეს, ამიტომ არიან ახლა აქცენტირებული და დაგეშილები, ყველა ფრონტი აქვთ გახსნილი ამ ხელმოცარულებს”, – ამის შესახებ მმართველი გუნდის წევრმა, ირაკლი ზარქუამ ოპოზიციის მისამართით განაცხადა.
მისივე თქმით, კალაძემ სპეკულაციებს წერტილი დაუსვა.
“დედაქალაქის მერი გამოვიდა დღეს და წერტილი დაუსვა და თქვა, როგორც იყო დაგეგმილი თავიდანვე, იანვრის ბოლომდე წერეთლის ქუჩაზე ორმხრივი მოძრაობა აღდგება. გაგიჟებულები არიან, რა ქნან, არ იციან. ვიღაცამ თქვა, რომ ,,ნაცების,, დროს დამთავრებული იქნებოდაო. კი, მეც გიდასტურებთ, იმიტომ – რომ ზედაპირულად აკეთებდნენ. ჩვენ არაერთი პროექტი გვინახავს ბატონი უგულავასი, 50 მილიონი რომ მოჰპარა დედაქალაქს, ეს რაც დავუმტკიცეთ. ის გაცვეთილი და დაჟანგული მილები უნდა ამოიღო და ამ ოპოზიციას ცხვირწინ უნდა დავუდოთ, თუ როგორ აკეთებდნენ მთელი ამ პერიოდის განმავლობაში. ჩვენი ხელწერა არის ჭავჭავაძის რეაბილიტაცია და მთლიანად გაკეთება,” – აცხადებს ირაკლი ზარქუა.