გაეროს გენერალურმა მდივანმა, ანტონიო გუტერეშმა განაცხადა, რომ ღაზაში კონფლიქტის მოგვარება ახლო აღმოსავლეთის სხვა ნაწილებში დეესკალაციას შესაძლებელს გახდის.
დავოსის ეკონომიკურ ფორუმზე სიტყვით გამოსვლისას გაეროს გენერალურმა მდივანმა შეშფოთება გამოთქვა ლიბანში არსებული მდგომარეობით.
“ლიბანში მეორე ღაზა არ შეიძლება გვქონდეს”, – აღნიშნა გუტერეშმა და დასძინა, რომ ხედავს, რომ სერიოზული ძალისხმევა ფიქსირდება ლიბანის მთავრობის, შეერთებული შტატებისა და სხვა მხარეების მხრიდან.
“აბსოლუტურად მნიშვნელოვანია ლიბანში უკონტროლო დაპირისპირების თავიდან აცილება, რომელიც ქვეყნის განადგურებას გამოიწვევს”, – განაცხადა მან.
გუტერეშმა ასევე მოითხოვა ღაზაში ჰუმანიტარული მიზნით ცეცხლის შეწყვეტა, რათა ხელი შეეწყოს მძევლების გათავისუფლებას.
კომენტარები