იემენელი ჰუსიტების პოლიტიკური ბიუროს წევრმა, ჰიზამ ალ-ასადმა განაცხადა, რომ ჰუსიტები გააგრძელებენ თავდასხმებს წითელ ზღვაში გემებზე. ინფორმაციას ამის შესახებ ტელეკომპანია CNN-ი ავრცელებს.
“ჩვენი საზღვაო ძალების ოპერაციები წითელ და არაბეთის ზღვებში გაგრძელდება. სამიზნე ისრაელის გემებია”, – აღნიშნა ჰიზამ ალ-ასადმა.
“ვიდრე ღაზაში ამერიკული სიონისტური აგრესია და ჩვენი ხალხის ალყაში მოქცევა გაგრძელდება, თავდასხმები არ შეჩერდება”, – დასძინა მან.
მანამდე აშშ-მა მოძრაობა „ანსარ ალაჰი“, ცნობილი იემენელი ჰუსიტების სახელით, ტერორისტთა გლობალურ სიაში ხელახლა შეიყვანა.
12 იანვარს, აშშ-მა და დიდმა ბრიტანეთმა საჰაერო დარტყმები განახორციელეს იემენში ჰუსიტების სამიზნეებზე.
კომენტარები