ასეთ ამბიციურ ქვეყანასთან მეგობრული ურთიერთობა მხოლოდ წაადგება ჩვენი საგარეო და საშინაო პრობლემების მოგვარებას, – ამის შესახებ ფრაქცია „ქართული ოცნების“ თავმჯდომარის მოადგილე გია ცაგარეიშვილმა „ქრონიკასთან“ განაცხადა.
დეპუტატმა ჩინეთში მმართველი პარტიის დელეგაციის ვიზიტი შეაჯამა.
„ჩინეთი მეორე ეკონომიკაა სიმძლავრით შეერთებული შტატების შემდეგ მსოფლიოში და არის გაერო-ს უშიშროების საბჭოს წევრი ქვეყანა. ჩინეთს მრავალი რამის განსაზღვრა შეუძლია მსოფლიო პოლიტიკაში. ასეთ ამბიციურ ქვეყანასთან მეგობრული ურთიერთობა მხოლოდ წაადგება ჩვენი საგარეო და საშინაო პრობლემების მოგვარებას. ამაში ღრმად ვართ დარწმუნებულნი, ამიტომაც მიმდინარეობს ინტენსიური ურთიერთობა ჩინეთთან“, – აღნიშნა ცაგარეიშვილმა.
„ქართული ოცნების“ თავმჯდომარის, ირაკლი კობახიძის ხელმძღვანელობით, მმართველი პარტიის დელეგაციის ვიზიტი ჩინეთის სახალხო რესპუბლიკაში გრძელდება.