წარსულზე საუბარი აღარ არის აუცილებელი, რადგან ეს აზიანებს მომავალს. მთავარია ახლა ინკლუზიურ პროცესზე ვიყოთ ყველა კონცენტრირებული, – ამის შესახებ პოლიტიკური ჯგუფის „ევროოპტიმისტების“ წევრმა ხატია დეკანოიძემ განაცხადა.
„ვფიქრობ, ესეც იყო უმრავლესობის პოზიცია, რომ საქართველოს უნდა მიეღო კანდიდატის სტატუსი და ჩემი პოზიცია კვლავ რჩება იგივე – საქართველო უნდა გადავიდეს შემდეგ ეტაპზე. ეს არის მოლაპარაკებების გახსნის ეტაპი. ამიტომ ამ სიტუაციაში წარსულზე საუბარი აღარ არის აუცილებელი, რადგან ეს აზიანებს მომავალს. მთავარია ახლა ინკლუზიურ პროცესზე ვიყოთ ყველა კონცენტრირებული“, – აღნიშნა დეკანოიძემ.
ოპოზიციაში საჯარო აღიარება გრძელდება – ვინ მოქმედებდა ბრიუსელის პოლიტიკურ გადაწყვეტილებამდე ქვეყნის ევროპული მომავალის წინააღმდეგ, ამაზე ამჯერად უკვე თაკო ჩარკვიანი საუბრობს. დეპუტატი კონკრეტული პოლიტიკოსის გვარს და პარტიას არ ასახელებს, თუმცა ადასტურებს, რომ სტატუსის მინიჭებას ნამდვილად ეწინააღმდეგებოდნენ.