აშშ-ის ეროვნულ უსაფრთხოების საბჭოში შეიარაღების კონტროლის, განიარაღებისა და გაუვრცელებლობის საკითხებში უფროსმა დირექტორმა, პრანაი ვადიმ განაცხადა, რომ ჩრდილოეთ კორეისგან მომავალი საფრთხე მკვეთრად შეიძლება შეიცვალოს რუსეთთან თანამშრომლობის გამო.
პრანაი ვადის თქმით, დიდი ყურადღება უნდა მიექცეს არა მხოლოდ ჩრდილოეთ კორეის დახმარებას რუსეთისთვის, პირველ რიგში, სარაკეტო სისტემების სახით, არამედ “სხვა მიმართულებითაც”.
“რასაც ჩვენ ვხედავთ რუსეთსა და ჩრდილოეთ კორეას შორის არის სამხედრო სფეროში თანამშრომლობის უპრეცედენტო დონე”, – აღნიშნა თეთრი სახლის მაღალჩინოსანმა.
“ჩრდილოეთ კორეის რეგიონში საფრთხის ბუნება შეიძლება მკვეთრად შეიცვალოს უახლოეს ათწლეულში ამ თანამშრომლობის შედეგად”, – დასძინა მან.
კომენტარები