ბიძინა ივანიშვილის პოლიტიკაში შემობრუნება მათ საბოლოოდ ყველანაირ იმედს გადაუწურავს არჩევნებში წარმატების მიღწევაში და ამაში ღრმად ვარ დარწმუნებული, – ამის შესახებ ფრაქცია „ქართული ოცნების“ თავმჯდომარის მოადგილე გია ცაგარეიშვილმა „ქრონიკაში“ ოპოზიციაზე საუბრისას განაცხადა.
„ვფიქრობ, ეს იყო საბოლოო ვერდიქტი არჩევნებამდე 7-8 თვით ადრე. ამ ადამიანებმა ძალიან კარგად იციან ივანიშვილის ძალა პოლიტიკაში. ამიტომაც არიან ახლა ასე გავეშებულები და აბსოლუტურად გაუგებარ ნაბიჯებს დგამენ. როგორი ვიწრო ხედვის უნდა იყო, რომ არჩევნებამდე ცოტა ხნით ადრე დაუპირისპირდე ქართულ ეკლესიას. მთელი ძალისხმევა ჩადო იმაში, რომ ებრძოლო ეკლესიას, ტაძრებს, ხატებს, მის უწმინდესობას. მე უბრალოდ მიკვირს, ამას რატომ აკეთებენ, რამე ელექტორალური შედეგი შეიძლება ამან მოიტანოს, გარდა უდიდესი იმედგაცრუებისა?“, – აღნიშნა ცაგარეიშვილმა.