უკრაინის თავდაცვის სამინისტროს დაზვერვის მთავარი სამმართველოს ხელმძღვანელი, კირილ ბუდანოვი აცხადებს, რომ აუცილებელია გაგრძელდეს ზეწოლა რუსეთზე, განსაკუთრებით დროებით ოკუპირებულ ყირიმში, საჰაერო დარტყმების, დრონებისა და საიდუმლო სპეცოპერაციების მეშვეობით.
“ჩვენი დანაყოფები არაერთხელ შევიდნენ ყირიმში [გასულ წელს]”, – განაცხადა მან გაზეთ Financial Times-თან ინტერვიუში და დასძინა, რომ სპეციალური დანიშნულების ძალები გააგრძელებენ აქტიურ ოპერაციებს.
კირილ ბუდანოვმა აღნიშნა, რომ ასეთი მისიების ერთ-ერთი მთავარი ამოცანა, დროებით ოკუპირებულ ნახევარკუნძულზე რუსეთის საოკუპაციო არმიის ლოგისტიკის განადგურებაა.
“მათი უკანასკნელი მცდელობა [შეტევის განხორციელების] უკვე ორი თვეა გრძელდება. ფაქტობრივად, შედეგის გარეშე”, – დასძინა მან.
კომენტარები