“აშშ-ს და საქართველოს ურთიერობები სხვა საფეხურზე გადადის”

მთავრობის სხდომაზე პრემიერმა განსაკუთრებით აღნიშნა, აშშ-ს ვიცე-პრეზიდენტთან ხანმოკლე შეხვედრა და მას წარმატებული უწოდა.
“უმნიშვნელოვანესი შეხვედრები შედგა ამ 2 დღის განმავლობაში. განსაკუთრებით მინდა გამოვყო აშშ-ს ვიცე-პრეზიდენტთან ხანმოკლე, მაგრამ ძალიან საგნობრივი და ძალიან თბილი შეხვედრა, სადაც აღნიშნა რომ საქართველოსა და აშშ-ს შორის სტრატეგიული პარტნიორობა არა თუ მხოლოდ გაგრძელდება, არამედ გაღმავდება და სრულიად სხვა საფეხურზე გადავა, რაც მისასალმებელია. ამ შეხვედრას წინ უძღვოდა ძალიან წარმატებული ვიზიტები, საგარეო უწყების ხელმძღვანელთა შეხვედრები, საპარლამენტო დელეგაციის ვიზიტი, სადაც დელეგაციის ხელმძღვანელი იყო ვიცე-სპიკერი თამარ ჩუგოშივილი, შედგა ასევე თავდაცვის უწყებათა ხელმძღვანელების შეხვედრა, სადაც საქართველოში მიმდინარე სამხედრო რეფორმა ძალიან დადებითად შეფასდა. მინდა ვთქვა, რომ მთლიანობაში, დინამიკა, რომელიც ჩვენ გვაქვს აშშ-სთან ურთიერთობაში არის ძალიან პოზიტიური. ასევე იყო ძალიან საინტერესო შეხვედრები სხვადასხვა ქვეყნების პირველ პირებთან, გვქონდა შეხვედრა ესტონეთის პრეზიდენტთან. მოგეხსენებათ ჩვენ ძალიან საინტერესო ერთობლივ პროექტებს ვახორციელებთ ელექტრონული მმართველობის მიმართულებით, ასევე, ჩვენი საგადასახადო რეფორმა მოგეხსენებათ, ესტონეთის მაგალითს ეფუძნება, განვიხილეთ ორმხრივი ურთიერთობები”, – აღნიშნა გიორგი კვირიკაშვილმა.