უკრაინის პრეზიდენტი აცხადებს, რომ ვალერი ზალუჟნის შეცვლასა და ქვეყნის ხელმძღვანელობის გადატვირთვაზე ფიქრობს. ვოლოდიმირ ზელენსკიმ უკრაინის შეიარაღებული ძალების მთავარსარდლის, ვალერი ზალუჟნის თანამდებობიდან გადაყენების შესაძლებლობაზე იტალიურ ტელეარხ RAI-სთან მიცემულ ინტერვიუში საჯაროდ პირველად განაცხადა.
„ეს არის საკადრო საკითხი. რა თქმა უნდა, საჭიროა გადატვირთვა, ახლის დაწყება. ვგულისხმობ რაღაც სერიოზულს, რომელიც ეხება არა ერთ ადამიანს, არამედ ქვეყნის ხელმძღვანელობის კურსს. თუ გამარჯვება გვინდა, ყველას ერთი მიმართულებით უნდა ვუბიძგოთ. გამარჯვებაში დარწმუნებულები არ შეიძლება იმედგაცრუებულები ვიყოთ და დავნებდეთ, არამედ სწორი, დადებითი ენერგია უნდა გვქონდეს. ამიტომ ვსაუბრობ გადატვირთვაზე, შეცვლაზე, რაღაც სერიოზულს ვგულისხმობ, რაც ეხება არა ერთ ადამიანს, არამედ ქვეყნის ხელმძღვანელობის კურსს“, – აცხადებს ვოლოდიმირ ზელენსკი.