უკრაინელმა სამხედროებმა დონეცკის ოლქის სოფელ ლასტოჩკინოდან, რომელიც ავდეევკიდან ექვს კილომეტრში მდებარეობს, უკან დაიხიეს.
უკრაინული მედია ქვეყნის თავდაცვის ძალებზე დაყრდნობით წერს, რომ ლასტოჩკინოდან გასვლა ორლოვკა-ბერდიჩის დასახლებების ხაზის გასწვრივ თავდაცვის ორგანიზებისა და მტრის შემდგომი წინსვლის აღკვეთისთვის მოხდა.
„მტრის ზეწოლის მიუხედავად, ჩვენი ქვედანაყოფები აქტიურად იცავენ თავს, მოქმედებენ მანევრირებულად, ავდეევკა-მარინკას მიმართულება რჩება ყველაზე ცხელ ზონად. ავდეევკის მიმართულებით ჩვენმა ჯარებმა მოიგერიეს მტრის 25 შეტევა, მარინკაში – 40. ეს არის ყველაზე მაღალი მაჩვენებელი ბოლო დღეებში“, – განაცხადა ოპერატიულ-სტრატეგიული ჯგუფის, „ტავრიას“ სპიკერმა, დიმიტრი ლიხოვიმ.
კომენტარები