შუა დერეფანს აქვს პოტენციალი, შექმნას სამუშაო ადგილები ხალხისთვის კავკასიაში, ყაზახეთში, – ამის შესახებ ევროპისა და ცენტრალური აზიის რეგიონში მსოფლიო ბანკის ტრანსპორტის მიმართულების ხელმძღვანელმა, შომიკ მენდრატიმ შუა დერეფნის პოტენციალის ათვისების შესახებ მსოფლიო ბანკის ახალი კვლევის პრეზენტაციის დაწყებამდე განაცხადა.
„შუა დერეფანი, რა თქმა უნდა, არსებობდა და ის ემსახურებოდა კავკასიის ქვეყნებს, დაეხმარა ყაზახეთს თავისი საქონლის დიდი ნაწილის ევროპაში ექსპერტზე, ასევე ჩინეთში. ბოლო ორი წლის განმავლობაში რაც შეიცვალა, არის ის, რომ სხვადასხვა გეოპოლიტიკური მიზეზის გამო, ეს გახდა ადგილი, სადაც ხალხი ეძებს პოტენციურ სახმელეთო ხიდს. ამან გაზარდა როგორც ინტენსივობა, ასევე შესაძლებლობა, რაც აქვს შუა დერეფანს. ამიტომაც იყო კვლევების კურსი, EBRD-მა ჩაატარა კვლევა, ჩვენ გავაკეთეთ კვლევა, რომელიც მიმოიხილავს, რა იქნება საჭირო, რათა შუა დერეფანი გახდეს კონკურენტუნარიანი სახმელეთო ხიდის მოძრაობისთვის“, – აღნიშნა შომიკ მენდრატიმ.
ამ წუთებში მსოფლიო ბანკის ახალი ანგარიშის პრეზენტაცია იმართება. შუა დერეფნის პოტენციალის ათვისებასა და გამოწვევებზე იმ ქვეყნების წარმომადგენლები მსჯელობენ, რომლებიც შუ დერეფანს აერთიანებენ. ღონისძიებას საქართველოს, აზერბაიჯანის, სომხეთისა და ყაზახეთის მთავრობის ოფიცილური პირები და კერძო სექტორის წარმომადგნელები ესწრებიან.