თბილისის მუნიციპალიტეტის საკრებულოს ფრაქციის ,,ქართული ოცნება – დემოკრატიული საქართველოსთვის” თავმჯდომარემ რიმა ბერაძემ საკრებულოს სხდომაზე ოპოზიციის წარმომადგენლების მისამართით შემდეგი განცხადებით გააკეთა:
”მათი რიტორიკა ცილისმწამებლური და შეურაცხმყოფელია. ჩვენმა ოპოზიციონერმა კოლეგებმა თავადაც კარგად იციან, რომ გადაწყვეტილება კანონიერია და ეს კომპენსაცია მიიღო დაზარალებულმა ჩოხელმა, მაგრამ როგორც ყოველთვის, მათი მიზანია თავიანთი ვიწროპარტიული ინტერესებიდან გამომდინარე მოსახლეობის შეცდომაში შეყვანა და პოლიტიკური შოუების მოწყობა.
ათასგვარ ცილისწამებას აწვდიან მოსახლეობას, თითქოს მერიამ შეგვიყვანა შეცდომაში, რომ ვართ გაუგებრობაში, თურმე საკრებულოს უმრავლესობა ჩართულია კორუფციულ გარიგებებში და ა.შ. მოვითხოვ, ოპოზიციონერი კოლეგებისგან, პირველ რიგში, ჩვენი ყოფილი თანაგუნდელებისგან, დაასახელონ კონკრეტული სახელი და გვარი უმრავლესობიდან, ვის მიიჩნევენ კორუმპირებულად და ვიდრე არ დაასახელებენ, არ უნდა დადგეს საკითხის განხილვა დღის წესრიგში”, – განაცხადა რიმა ბერიძემ.