დიდი ბრიტანეთი მიიჩნევს, რომ ირანმა რუსეთს ბალისტიკური რაკეტები მიაწოდა. ამის შესახებ ბრიტანეთის თავდაცვის მდივანმა, გრანტ შეფსმა განაცხადა.
მინისტრმა დაადასტურა, რომ ბრიტანეთს აქვს ინფორმაცია ირანიდან რუსეთში რაკეტების მიწოდების შესახებ, თუმცა საქმის დეტალებზე არ ისაუბრა.
24 თებერვალს, ირანმა უარყო რუსეთში ბალისტიკური რაკეტების გაგზავნა და განაცხადა, რომ გავრცელებული ცნობები დაუსაბუთებელია.
21 თებერვალს, სააგენტო Reuters-მა წყაროებზე დაყრდნობით ინფორმაცია გაავრცელა, რომ ირანმა რუსეთს 400-მდე ბალისტიკური რაკეტა გადასცა.
კომენტარები