საგარეო საქმეთა მინისტრი ილია დარჩიაშვილი დანიის პარლამენტის, საგარეო ურთიერთობათა კომიტეტის თავმჯდომარეს ლიზე ბექს და თანმხლებ დელეგაციას შეხვდა.
მინისტრმა განსაკუთრებული ყურადღება გაამახვილა დანიის მხარდაჭერაზე საქართველოს სუვერენიტეტის, ტერიტორიული მთლიანობის მიმართ. შეხვედრაზე საპარლამენტო დელეგაციამ, თავის მხრივ, ორი ქვეყნის საერთო ღირებულებებსა და ინტერესებზე ისაუბრა.
ყურადღება გამახვილდა საქართველოს ევროკავშირში ინტეგრაციის პროცესზე. ასევე ხაზი გაესვა დანიის დიპლომატიური წარმომადგენლობის გახსნას საქართველოში, რამაც თვისობრივად ახალ ნიშნულზე გადაიყვანა ორმხრივი თანამშრომლობა.
კომენტარები