პარლამენტის თავმჯდომარის, შალვა პაპუაშვილის შეფასებით ვეტო, რომელიც პრეზიდენტმა „საარჩევნო კოდექსში“ ცვლილებებს, არის ნაწილი იმ თავდასხმისა, რომელიც ხორციელდა არა ცესკოსა და მის თავმჯდომარეზე, არამედ საპარლამენტო არჩევნებზე.
„ეს არის ნიადაგის მომზადება იმისთვის, რომ ნაცმოძრაობამ და მისმა კლონებმა არ აღიარონ არჩევნები. ნაცმოძრაობას არ უღიარებია არც ერთი საპარლამენტო არჩევნები. ზუსტად იგივე აპირებენ 2024 წელს. ამაში ჩართულია ოპოზიცია, ჩართულია სალომე ზურაბიშვილი, ჩართულია რამდენიმე არასამთავრობო ორგანიზაცია და მათ შორის, ზოგიერთი უცხოელი აქტორი. ეს არის პირდაპირი თავდასხმა და ჩარევა საარჩევნო პროცესში.
რაც შეეხება შინაარს, ჩვენი პოზიცია უკვე დიდი ხანია ცხადია. 19 აპრილის შეთანხმების გამო, მოგვიწია ცუდი სისტემის დანერგვა, რომელიც გულისხმობდა კვალიფიციურ უმრავლესობას და უპრეცენდენტო შემთხვევას, რომ თურმე ოპოზიცია უნდა იყოს ცესკოს ხელმძღვანელობაში, რაც აბსოლუტური აბსურდი. სამწუხაროდ, ამ ამბსურდზე ზოგიერთი უცხოელი ექსპეტი თუ აქტორი გვიმტკიცებს, რომ ასეთი აბსურდი, როემლშიც უკვე 2 წელია ვცხოვრობთ, გავაგრძელოთ კიდევ ცხოვრება. ამიტომ ყველა აქტორს მოვუწოდ დაფიქრდნენ, რადგან ასეთი საუბრები არის რადიაკალური ოპოზიციის წახალისება, რომ მათ კიდევ ერთხელ არ აღიარონ არჩევნებში დამარცხება“, – აღნიშნა პაპუაშვილმა.