უკრაინაში ვიზიტით მყოფმა საბერძნეთის პრემიერ-მინისტრმა, კირიაკოს მიცოტაკისმა განაცხადა, რომ უკრაინაში მიმდინარე ომი ყველას ეხება.
“ევროპის შუაგულში ომი დაიწყო, მაგრამ ევროპელები ვერ იაზრებდნენ, რა იყო ეს და რამდენად შორს შეიძლება წასულიყო. ჩვენ ვხედავთ, რომ ეს ომი არღვევს ყველა წესს. და ამიტომ ჩვენ ვერ ვიქნებით ნეიტრალური. ჩვენ არ შეგვიძლია გაჩუმება”, – აღნიშნა საბერძნეთის მთავრობის მეთაურმა.
საბერძნეთის პრემიერ-მინისტრმა დასძინა, რომ მსოფლიო უნდა გაერთიანდეს უკრაინის დასაცავად.
“თითოეულმა ქვეყანამ თავისი ძალისხმევა უნდა აჩვენოს უკრაინის დასახმარებლად, რათა დახმარება იყოს სტაბილური, რომ არ მოხდეს შეფერხებები და მიწოდებული იყოს ყველაფერი, რაც საჭიროა”, – აღნიშნა მან.
კომენტარები