რატომ მარტო 40 პროცენტი? ვფიქრობ, 140 პროცენტსაც თავისუფლად მიიღებს ბატონი მანჯგალაძე და „ერთიანი ნაციონალური მოძრაობა“, – ასე გამოეხმაურა „ლელოს“ წევრი, გრიგოლ გეგელია „სტრატეგია აღმაშენებლის“ წევრის, პაატა მანჯგალაძის განცხადებას, რომლის თქმითაც, მათი და „ნაციონალური მოძრაობის“ კოალიცია საპარლამენტო არჩევნებზე 40%-ს აიღებს.
მისი თქმით, „ლელოს“ გარეშე ამ ქვეყანაში არ შეიცვლება ხელისუფლება და ეს არის არითმეტიკული ფაქტი.
„რატომ მარტო 40 პროცენტი? ვფიქრობ, 140 პროცენტსაც თავისუფლად მიიღებს ბატონი მანჯგალაძე და „ერთიანი ნაციონალური მოძრაობა“. „ლელოს“ გარეშე ამ ქვეყანაში არ შეიცვლება ხელისუფლება და ეს არის არითმეტიკული ფაქტი“, – განაცხადა გრიგოლ გეგელიამ.
პაატა მანჯგალაძე დარწმუნებულია, რომ ნაციონალური მოძრაობა „სტრატეგია აღმაშენებელთან“ ერთად, საპარლამენტო არჩევნებზე 40%-ს აიღებს. მისივე თქმით, თუ ნიკა მელია და ნიკა გვარამია გაერთიანდებიან და არჩევნებზე 10 პროცენტს აიღებენ, ეს ხელისუფლებაში მოსვლას ნიშნავს.