აშშ-ის სამხედრო ავიაციამ იემენში შიიტი „ჰუსიტების“ პოზიციები დაბომბა.
აშშ-ის ცენტრალური სარდლობის ინფორმაციით, ამერიკელმა სამხედროებმა „ჰუსიტების“ ხომალდსაწინააღმდეგო ოთხი ფრთოსანი რაკეტის და ერთი უპილოტო აპარატის განთავსების ადგილები დაბომბეს.
პარალელურად, აშშ-ის ცენტრალური სარდლობის ძალებმა იემენიდან ადენის ყურის მიმართულებით გაშვებული სამი უპილოტო თვითმფრინავი ჩამოგდეს.
„ეს ქმედებები მიიღება ნავიგაციის თავისუფლების დასაცავად და საერთაშორისო წყლების, აშშ-ის საზღვაო ძალებისა და სავაჭრო გემებისთვის უსაფრთხოების უზრუნველსაყოფად“, – აღნიშნულია აშშ-ის ცენტრალური სარდლობის განცხადებაში.
კომენტარები