უკრაინის პრეზიდენტმა, ვოლოდიმირ ზელენსკიმ მიმართა ცალკეული ევროპული ქვეყნების საზოგადოებების იმ ნაწილებს, რომლებიც არ უჭერენ მხარს უკრაინას რუსეთის მიერ დაწყებულ ომში. ინფორმაციას ამის შესახებ უკრაინული მედია ავრცელებს.
უკრაინის სახელმწიფოს მეთაურმა აღნიშნა, რომ სხვადასხვა ქვეყნის ბევრ საზოგადოებაში არიან ადამიანები, რომლებიც უკრაინას მხარს არ უჭერენ.
“პრობლემა ის არის, რომ ისინი ვერ გრძნობენ რა არის პუტინი. დღეს მხარი არ დაუჭირო უკრაინას რუსეთის მხარდაჭერას ნიშნავს. და ასეც არის. რადგან მხოლოდ ცივილიზებულ, გაერთიანებულ მსოფლიოს შეუძლია წინააღმდეგობა გაუწიოს ასეთ მტერს, რომელიც პატივს არ სცემს ყველა იმ უფლებასა და თავისუფლებას, რომელსაც ჩვენ ვიზიარებთ”, – აღნიშნა უკრაინის პრეზიდენტმა.
“პუტინი ავადმყოფი ადამიანია, რომელიც ნადირობს და არც კი ესმის რას აკეთებს, ან არ აკონტროლებს თავის ჯარს, რომელიც უბრალოდ ესვრის მშვიდობიან მოქალაქეებს, დიპლომატებს, სხვა სახელმწიფოების ლიდერებს. ან ის არის ავადმყოფი ადამიანი, რომელსაც ეს უნდა და ნადირობს და ეს არის ის, რაც მას აინტერესებს: უბრალოდ მოკვლა”, – დასძინა მან.