ოპოზიციური გეგმა ნელ-ნელა ყალიბდება იმ იდეის ირგვლივ, რომ რამენაირად შეძლონ და კვლავ გაიმეორონ იგივე „ბრენდირება“ – საზოგადოების შეცდომაში შეყვანა, – ამის შესახებ ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ, მიხეილ სარჯველაძემ მედიაში გავრცელებულ ინფორმაციასთან დაკავშირებით განაცხადა, რომლის თანახმად, ლგბტ პროპაგანდის წინააღმდეგ ბრძოლის საკითხზე ოპოზიცია მიჰყვება „თბილისი პრაიდის“ მიერ საერთაშორისო პარტნიორებთან შეთანხმებულ სტრატეგიას.
„არიან ადამიანები, რომლებსაც სურვილი აქვთ, რომ ეს თემა არასწორად შეფუთონ და არასწორად მიაწოდონ საზოგადოებას, რომ თითქოს ეს კვლავ ანტიდასავლური ნაბიჯია. პრაქტიკულად, ეს აღიარებითი ჩვენებაა, რომ მათი აქტივობები, ქმედებები დონორთა მხრიდან იყო კოორდინირებული“, – აღნიშნა მიხეილ სარჯველაძემ.
„ქრონიკამ“ ექსკლუზიურად მოიპოვა ოპოზიციის სტრატეგია, რომელსაც ლგბტ პროპაგანდის წინააღმდეგ ბრძოლის საკითხზე პარტიები მიჰყვებიან და რასაც „თბილისი პრაიდი“ ათანხმებს საერთაშორისო პარტნიორებთან. წერილიდან ირკვევა, რომ „თბილისი პრაიდი“ სამოქალაქო საზოგადოებასთან ერთად კანონპროექტის დამტკიცების შემთხვევაში საპროტესტო აქციებს გეგმავს