აშშ-ის ცენტრალური სადაზვერვო სააგენტოს (CIA) დირექტორმა, უილიამ ბერნსმა განაცხადა, რომ უკრაინისათვის სამხედრო დახმარებაზე უარის თქმამ მიმდინარე წელს მნიშვნელოვანი ტერიტორიული დანაკარგები შეიძლება გამოიწვიოს. ინფორმაციას ამის შესახებ უკრაინული მედია ავრცელებს.
აშშ-ის სენატის დაზვერვის კომიტეტში გამართულ მოსმენაზე უილიამ ბერნსმა აღნიშნა, რომ ცოტა ხნის წინ მე-10 ვიზიტით ეწვია უკრაინას.
აშშ-ის ცენტრალური სადაზვერვო სააგენტოს შეფასებით, დამატებითი დახმარებით, უკრაინას შეეძლება შეინარჩუნოს თავისი პოზიცია ფრონტის ხაზზე 2024 წლის ბოლომდე და მომავალი წლის დასაწყისში, რაც მას საშუალებას მისცემს “უფრო ძლიერი პოზიციიდან აწარმოოს მოლაპარაკება”.
“ვფიქრობ, დამატებითი დახმარების გარეშე 2024 წელს უკრაინაში „კიდევ მეტ ავდიივკას“ ვიხილავთ. და ეს შეერთებული შტატებისთვის უდიდესი ისტორიული შეცდომა იქნება”, – დასძინა უილიამ ბერნსმა.