ხაბე და დანარჩენები რომ დარბიან ქუჩა-ქუჩა, მათ ჰგონიათ, რომ მოსახლეობას დაავიწყდა, როგორი სოციალური პოლიტიკა ჰქონდათ?!,– ამის შესახებ საპარლამენტო უმრავლესობის დეპუტატმა ირაკლი ზარქუამ განაცხადა.
აღნიშნული კომენტარით ზარქუა გამოეხმაურა გავრცელებულ ინფორმაციას, რომლის თანახმად, გიორგი ვაშაძემ, ლევან ხაბეიშვილმა და “ლელომ” სოციალურ სივრცეში გაშვებულ რეკლამებში, ჯამში ნახევარი მილიონი დოლარი გადაიხადეს.
“ეტყობა, იმ უცხოელ კონსულტანტს, რომელსაც დიდ ფულს უხდიან, გააზრებული არ აქვს, რომ ნაცებმა სოციალურ პოლიტიკაზე არ უნდა ისაუბრონ. ვაშაძე მინისტრის მოადგილე იყო, პრემიებს და დანამატებს რომ იღებდა. მის დროის შეიქმნა 180%-იანი საპენსიო სესხი. მაშინ არ გახსენებია, ხალხს რომ უჭირდა“, – განაცხადა ზარქუამ.
კომენტარები