“თუ სააკაშვილს შეაწყალებინებენ ზურაბიშვილს, აუცილებლად მყისიერად მოვითხოვთ გამოძიების დაწყებას 2008 წლის ომთან დაკავშირებით და ბევრ საჯარო ინფორმაციასაც გამოვიტანთ, თუ როგორ ერეოდა პირდაპირ გლობალური ომის პარტია 2008 წლის ომის პროცესებში, რომელსაც აღასრულებდა, სამწუხაროდ, სააკაშვილის ხელისუფლება”,- ამის შესახებ “ხალხის ძალის” წევრმა, გურამ მაჭარაშვილმა განაცხადა.
მისივე თქმით, არ არის გამორიცხული, რომ სალომე ზურაბიშვილს პატრონების დავალების შესრულება და სააკაშვილის შეწყალება მოუწიოს.
“სააკაშვილი, თავის დროზე, როგორც ოქროს მოწმე, ემუქრებოდა თავის პატრონებს, რომ თუ ისინი არ გაათავისუფლებდნენ ციხიდან, ალაპარაკდებოდა და ალაპარაკდებოდა, მათ შორის, 2008 წლის ომთან დაკავშირებით. ახლა დავინახეთ, რომ სააკაშვილის პატრონები გააქტიურდნენ მის გათავისუფლებასთან დაკავშირებით და, მიუხედავად ზურაბიშვილის ზიზღისა სააკაშვილის მიმართ, არ არის გამორიცხული, რომ მოუწიოს, შეასრულოს, ასევე მისი პატრონების დავალება სააკაშვილის შეწყალებასთან დაკავშირებით.
ჩვენ განცხადებით დავაანონსეთ, რომ არჩევნების შემდგომ აუცილებლად მოვითხოვთ გამოძიებას როგორც “ნაცმოძრაობის” რეჟიმის, ასევე 2008 წლის ომის, ამ შემთხვევაში უკვე საზოგადოებას ბევრ სხვა ინფორმაციას მივაწვდით, თუკი ეს მოხდება და სააკაშვილს შეაწყალებინებენ ზურაბიშვილს, აუცილებლად მყისიერად მოვითხოვთ გამოძიების დაწყებასაც 2008 წლის ომთან დაკავშირებით და ბევრ საჯარო ინფორმაციასაც გამოვიტანთ, თუ როგორ ერეოდა პირდაპირ გლობალური ომის პარტია 2008 წლის ომის პროცესებში, რომელსაც აღასრულებდა, სამწუხაროდ, სააკაშვილის ხელისუფლება”, – განაცხადა გურამ მაჭარაშვილმა.