ნატოს გენერალური მდივნის საქართველოში დაგეგმილი ვიზიტი საგარეო საქმეთა მინისტრმა შეაფასა.
ილია დარჩიაშვილის განცხადებით, ეს არის მნიშვნელოვანი და ძლიერ გზავნილი, რომ საქართველო ნატოს ღირებული და საიმედო პარტნიორია.
„ჩვენ ძალისხმევას არ ვიშურებთ იმისთვის, რომ ჩვენი საგარეო-პოლიტიკური პრიორიტეტების განხორციელებისა და იმპლემენტაციის პროცესში გვქონდეს მაღალი დინამიკა. გენერალური მდივნის ვიზიტი ეს არის ძალიან ძლიერი გზავნილი, ეს არის ის აღიარება, რომ საქართველო ალიანსის ძალიან ღირებული და სანდო პარტნიორია. ეს სწორედ გამოხატულებაა იმის, რომ ეს ნდობა და აღიარება თავად ალიანსისთვისაც ძალიან მნიშვნელოვანია და ეს ვიზიტი, რა თქმა უნდა, მოიტანს დამატებით აქტივობებს, დამატებით ჩართულობას“, – განაცხადა მინისტრმა ილია დარჩიაშვილმა.
კომენტარები