უკრაინის პრეზიდენტმა, ვოლოდიმირ ზელენსკიმ განაცხადა, რომ უკრაინის თავდაცვის ძალები ყველა ღონეს გამოიყენებენ იმისათვის, რომ რუს მკვლელებს სამართლიანი პასუხი აგებინონ ოდესაზე სარაკეტო თავდასხმისთვის.
ოდესაზე რუსეთის სარაკეტო თავდასხმის შედეგად დაღუპულთა რიცხვი 19-მდე გაიზარდა.
დღეს რუსეთმა ოდესას “ისკანდერის” 2 რაკეტით შეუტია. რაკეტების გასროლა დროებით ოკუპირებული ყირიმის ტერიტორიიდან მოხდა.
“რაც უფრო სამართლიანი რეაგირება გვექნება რუსეთის სახელმწიფოს მიმართ და რაც უფრო საგრძნობი იქნება ჩვენი ქმედებები რუსული სისტემის წინააღმდეგ, მით უფრო გაუჭირდება პუტინს თავისი ავადმყოფური მმართველობის გაგრძელება და, შესაბამისად, ომი”, – აღნიშნა უკრაინის პრეზიდენტმა.
კომენტარები