არაერთი დანაშაულისთვის ბრალდებული და მსჯავრდადებული სააკაშვილის დროზე ადრე გათავისუფლება რომ გამორიცხულია, ეს ყველამ იცის, როგორც ქვეყნის შიგნით, ასევე, ქვეყნის ფარგლებს გარეთ. თუმცა, რას გადაწყვეტენ და მოიმოქმედებენ სააკაშვილის პატრონები, წინასწარ რთული სათქმელია.
ფაქტია, რომ რადიკალებმა სალომე ზურაბიშვილი გაააქტიურეს, რომელსაც შეუძლია ექს-პრეზიდენტი შეიწყალოს და ამ შესაძლებლობით უკვე კარგა ხანია ქართული სახელმწიფოს ნერვებზე თამაშობს.
ზურაბიშვილის შეცვლილი რიტორიკიდან გამომდინარე ეჭვი, რომ სააკაშვილის შეწყალებას რადიკალებისთვის საჭირო დროს მოაწერს ხელს, კიდევ უფრო გაზრდილია.
წარსულში სააკაშვილზე გაკეთებული განცხადებები ათონელის რეზიდენციის დიასახლისმა სრულად დაივიწყა.
გაბრაზებული ხალხის ხმა ზურაბიშვილს „ხალხის ძალამ“ გააგონა და შეახსენა, რომ თუ ამ უმძიმეს და პროვოკაციულ ნაბიჯს გადადგამს, აგვისტოს ომის გამოძიებას არჩევნების შემდეგ კი არ მოითხოვს, როგორც ეს დიდი ხნის წინ დააანონსეს, არამედ – არჩევნებამდე.